Bermiotarra

Zu oin nora zatoz ba, dirue bizu le? Igual ezango zara osaba karnala, ezer ez padakozu iñor be e zara, igual ezango zara bigarren lengusu, asko badakozu osaba zaitzuz zu

IGUZIDXE

Igurtzia.

iguzidxe eiñ ezkero miñ dxakozun lekuen, dolorie kenduko dxatzu
eistazuz iguzi batzuk lepoko miñegaz eziñ dxot auenta ta
igutidxek eitxen eitxen argaldu eitxen zara

iguzi aditza izen bihurturik erabiltzen da. Aditz forman ere erabili arren, askoz ere gutxiago gertatzen da.

IKESKI / DXE / IKESKIÑE

Ekandu. Ohiturak. Bi formak erabilizen dira.

ikeskidxek takoz onek imiek
bai, ikeski txarrak takoz, baie neuk kenduko tzatez
ez pentsa, ikeski onak pe bakoz
ikeskiñek ez tiez aztuten
an dau nire semie, neska-mutill txarran tartien, ikeskidxek ikasten

Azken esaldi honetan bi eratara erabili da ikasi aditza. Hitz honen osagaiak ikas + -ki atzizkia izan dira.

IKOMELAUE

Mozkorra.

ikomelauegaz etor da etzera, da ganera aldarrike
bestelako ikomelaue dakozu, non atrapa zu ba
gaur ondo pasateko egune da, ikomelautxue artun da enbraren bategaz andratan ein
ikomelauen antza dakostazu txo

Hiku edo piku melatua hartu da, konparazioa eginez, izen baten funtzioa betetzeko.

IKUE ATARA

Errieta handia egitea.

kalien entzun dau enbarazada dauena, da etzera dxun danien ikue atara dotso alabiri
nora dator au ikue ataraten ba, ataraixu kulpie dakonari
zelako ikue atara dotzo nobidxuri, berari ezebe esan barik Dolostire dxun dalakon

IL DA JESUS!

Umea loari emanda geratzen denean.

an il da jesus, bidxar goizerarte lo
ama il da jesus, gure Kesusito lo dau

ILLBIXIKUE

Hil itxura.

nondik zatoz ba, illbixikuen arpeidxe dakozu te
alabatxi eguzkidxe artzien tire illbixikuelez zauz de
au illbixikuen kolorie kentziko tunbeta para bi nai eguzkitan
zer diño berorrek illbixikuek ba, pentsaten dau grakue dala bera

il bizikoa, beraz hitz konposatua da.

ILLE

Pertsona ahula, adore gabekoa. Zapore edo gatz bako gauza.

nongo ille da berau imie, kalera be eztau urteten
ille da, baie berak ku dauenien majo mobiten da
olako persona illegaz ibilli baiño, obeto da ormigaz ibilli
brekie beseue baiño illaue ezaten da dxaten
argi ille dau berton, ikusi be ezta eitxen

Lhanderen hiztegian baino ez dut aurkitu zentzu horretan.

ILLEKUEK

Andrazkoaren hilekoak.

illekuek amabi urtegaz etor dxatzoz
illekorik ezpakozu, ez zauz ondo, ez zauz seguru te
illekuekaz be uger eitxen dot nik
ba illekuekaz bañue artzie ezta ona

IMAJIÑIE

Emakume oso polita.

Edurnen imie imajiñie da, politxaue!
nire semiegaz dabillen neskatue imajiñie da
imajiñilako imiek takoz gure alabiek

IME BETERRIE

Ume nazkantea.

onek ime beterriek neure atzien dabiltzez
aurrek ime beterriek eiñ dxost eitxekue

IME LETXIE

Ume nazkantea.

ime letxiek ez dostie indoten ezer eitxen

IME LUPUE

Ume nazkantea.

ime lupuok, egongo zarie leko baten geldik trena etorri arte?

IME OSTIDXE

Ume oso nazkantea.

ime ostidxek apurtu dostie kotzeko kristela
beragaz ume ostidxegaz dxun biar ezan dot plaidxera
ime ostidxei esan isillik egoteko, ostantzien plastazo bana dutzoie

IME TERNUE

Ume koitadua.

arek ime ternuek gosigaz illtxen dauzenak
ime ternuek sufriten dauie gerrie

IME TXIKIDXE LEZ / MODUEN

Ume txikiak bezala, korrika.

ni ez ibilli ime txikidxe lez, enau orretarako ta
ime txikidxe lez dabill egun guztidxen, ara ta ona
arek ibilltxen gaitxuz ime txikidxen moduen; ez gariez atzo goixekuek ba

IMELAPURRE

Gizon oso lizuna, neska gaztetzoak gustatzen zaizkiona.

aregaz ez dxun gero, imelapurre da ta
ori neskie imelapur bategaz dabill
imelapurrek ibill dziez atzoko berbenan
imelopurren antzeko bategaz etor da Benidorretik

ume → ime + lapurra → imelapurra → imelapurre.

IMEMOKUE

Gazteegia. Umemoko.

imemoko guztidxek takoie kotxie
imemokue zara ondiño, berbenara dxuteko
berak imemokuek esan dotsu ori
Bermioko imemokuentzat neiko ta lar diez onek dxaidxek

Goikoaren antzera, izen bat eta adjektiboa lotzen dira.

IMENTA

Asmatu.

ori ezta egidxe, ori berak imenta dau
ez esan ori alabatxu, eztau imenta ta, egidxe dozu
beti gauz gauzek imentaten da sekule be eztosku uneten ondo, baie arei bai

IMEZANTARRA

Umemoko. Zentzu berdinean erabiltzen da, baina peioratiboagoa da.

Imezantar guztidxek bertan dandarrez kabezuduen atzien
zer dakarrie imezantarrok
beti esaten dot imezantarrakaz ez ibilltzeko

IMIEK INBERTIDU

Seme-alabak ezkonduta, bakoitza bere lekuan jartzea.

trankill dakozu oiñ a, imiek inbertidu txuz da
imiek inbertite, da ondo ganera, Benidorrera bixitzen dxuteko asmue dakoie

INDXADA

Atunaren belarriak deituak. Gazteleraz ventresca deitzen diete, baina Bermeon erdaraz ere ijada deitzen diegu.

ze gozo dauz onek indxadak, obienak tiez
eztau indxadarik, eztau atunik eta
karu dauz gero indxadak, laster lebatza baiño karuau

INFERNORA ZAPATA TA GUZTI

Gaiztoa, maltzurra edo gezurtia izateagatik infernuko sua jasango duenaren iragarkia.

ori guzurre esan, infernora dxungo zara zapata ta guzti
infernora dxun bi dau arek zapata ta guzti, ostu doitxuzen diruek pagateko

INFLE / TA

Bete. Hanpatu.

ai! Infleta nau dxan doten bestegaz
pastelak dxaten infle, txanpana edaten infle, geidxau zer?
infleta ikusten dot ori mutille, geixorik tau ela?

INGIRUEK

Pertsona baten gorputzeko atal ikusiezinak.

neure ingiru guztidxetatik izerditxen nau
ingiruek agiridxen on da Antxorako plaidxen
gonak altzata ibill dxe ingiruei aixie emoten

Gauzak.

ingiro guztidxek endredaten dau, zer topako
da aixie ekar dauenien, geure ingiruek errekojiten asi garizen
zeure ingiro danak berton itxitxe nora zuz ba

Inguruneak.

Zentzu honetan askoz ere gutxiago erabiltzen da.

amen ingiruen eztau mutillik

Hitz hau inguru hitzaren aldaera da, eta i bokalaren asimilazioa gertatu da.

INKE

Sartu.

sasidxek inke dxastez izterratan
au kuadrue orman inke bi de
orrotzak inketen okitxie lez dakot gorputz guztidxe
isillik ezpazauz kutxillue inkeko tsut tripen
untze bat inke dxast buruen

Gaztelerazko hincar aditzak inkatu eman behar zuen, baina ez da geratu horrela, bide erdian geratu da.

INKIRRIDXO

Afan.

alabatxi artuixu inkirridxue, ostantzien ez zara ailiegako iñora be
abille da arrañek atrapaten baie inkirridxo andidxe dako
inkirridxuen pasinuegaz eitxen txuz andidxek
patroi ona da baie eztako inkirridxorik

INKIRRIDXOZUE

Ahalegintsua.

ba gure patroie total da inkirridxozue
inkirridxozue ezpada eztako zeregiñik
inkirridxozue ezanda be, beti ezta oten arrainek atrapateko erarik

Hitz hauen oinarria bilatzeko hipotesi baten sartu behar da. Hau da, inquirir aditza hartu. Hala ere ez dago argi zein izan zitekeen hitz honen eboluzioa.

inquiridor → inquiridoso → inkiridoso → inkirridoso → inkirrodxoso.

Gero, hemendik inkirridxo geratuko zen.

INKISISINTIE

Gauzak nahasten dituen pertsona.

eztau inkisisintiaurik, egidxek eta guzunek nastien esaten abille da
isillik on zaitxez inkisisintiori, enidxe nasta zu te

INKISISIÑUE

Nahastea. Iskanbila.

zelako inkisisiñue arma dau ba, iñor be aklara bez
jente guztidxe aldarrrike, eskureko, inkisisiñue bertan
amen armaidxuen inkisisiñue dau, dana dau nastata

INKOMODATA

Haserretuta.

inkomodata dauz, diruen ganien
ori be bada tristie ba, aizte bat bakarrik okiñ da beragaz inkomodata egotie
atziñe inkomoda diez, imiek txikidxek ezan dizenetik dauz asarratute

Gaztelerazko incomodar hitzetik dator, baina ez du esanahi berbera.

INPIDIDXUE

Inperioa. Diru asko.

oiñ ondo dau bera imie, baie inpididxue kostata
irebazi orrek, inpididxue, gaur eztako txiki bet baie
inpididxue okiñ dxe be, askotan dana gastaten da

INTERIORA

Kamiseta edo alkandoraren azpitik jartzen den barruko kamiseta zuria.

interiora kendu bustitxe dakozu te
merke on diez gaur interiorak plazan
kolorezko interiorak ez dxastez gustaten
negureko interior lodidxek erosi bi dotez

Gaztelerazko ropa interior etik hartu da eta elastiko hitzarekin batera erabiltzen da.

INTRANKILL

Urduri. Artega.

bera imie etorri arte intrankill oten nai
ez on intrankill ba, laster etorko da ta
ikusten ezan dxatzo intrankill dauena
intrakillidadie gauze txarra da, orreitxik on trankill

Azken esaldi honetan bi forma agertzen dira:

Izenaren funtzioa betetzen duen intrankillidadie.
Adberbio funtzioa betetzen duen trankill antonimoa.

Lasai eta urduri hitzen ordez, gaztelerazko hitz hauek erabiltzen dira normalki.

INTZENTZUE

Mailu bat. (figuratiboan). Aspergarria.

intzentzue zara alabatxi, ez zara lotu be eitxen eskatuten
intzentzue lez dabil zapatak erosteko esaten
intzentzue ezan bi zara, baten batek kasu eitxeko

IRRIKILLO / UEK

Apaingarri barrokoak.

orrek silloiek irrikillo lar dako, ezin dxe garbitxu be
espilluen bueltiek ez pentza irrikillo gitxiau dakonik
modan dauz ostabe irrikilluek baie neuk elekidot erosiko olakorik

IRU KIKIMERA EINDXE OIRE

Oso esaldi berezia dugu hau. Lotara joatean esaten da.

laster, iru kikimera eidxe oire
dakoten loguriegaz, iru kikimera eindxe oire nuen

IRU TXIKI LAUPERRA

Oso merke.

etzie iru txiki lauperran erosi ezkero, gasta biar obratan, ondo gure bada okiñ
orrek etziek iru txiki lauperrakuek ezan diez
iru txiki lauperraitxik Torreviejan erosten zu etzie.

IRU TXIKIKO FUETIE

Fueta / fuetie hitza erabilita egindako esaldiak. Kasu honetan hitz horri iru txiki antzinako txakurtxikia, hau da, bost zentimo hitz multzoa gehitzen zaio, esaldiari enfasi gehiago emateko.

iru txikiko fuetie baiño ariñau dabill
auna ezpazatoz, iru txikiko fuetie emongo dotsut
zer diño berak iru txikiko fuetiek ba, lau killo be eztoitxuz piseten da
iru txikiko fuetiek paiño andana andidxaue erun dau

IRUNTZETARA

Iruntzietara.

hau morroie lo dau, jertsie iruntzetara imiñi dau, eta ezta entera bez

IRUTXIKIKOA

Balio gabekoa.

irutxikidxen artun da gero milloiekaz saldu, auri eiñ dxau arek
arraiñek saldu duz irutxikidxen, total merke
alabatxi, niri ez emon irutxikiko sagarrak, ostantzien arpeidxen emongo tzut eurokaz
irutxikiko arraiñek ezan diez gaur, txikidxe ezan dan lez, prezidxue be merke
irutxikiko arpeidxe para dxatzo oneri imiri, dxan barik tau te

ISILLEKUE

Isilean aurreztutako dirua. Baina ezkutuan gordetako dirua ere isilekoa izango da.

Arrantzaleen artean erabili ohi da. Partila egiten denean, emazteak jakin barik, diru apur bat sisatzen da. Hori da isilekoa. Baina orain oso arrunta da egoera guztietan.

beran isillekuekaz erosi dau erlojue
isillekuek okiñ txuz gordeta, ta arekaz dxun da Benidorrera
gordeta dakozuzen isillekotxuek atara, afaidxe dxaten dxun bi du te
nire isillekuekaz ez tu gauze andirik eingo

ISILLIKOSTUKE / ISILLOSTUKE

Ezkutatzen.

isillikostuke ibill gariez Lameran eureri eskapaten
eurek pe igual ibilli diez atzo, isillikostuke geuk ez topateko

ISPITXIE

Espia. Zentzua zabalagoa da, bizitzaren edozein egoeratan erabiltzen delako.

ispitxie da a, arenak eta orrenakaz enteratu da gero beste batzuei konta
ispitxien biarrak dabill eitxen, an entzun da gero, orregaz aprobetxa
zelako ispitxie zara ba, neu elekinai fidxeko zugaz

ITON BAULE

Ito nor izan den ez dakigu, baina maleta, baul, poltsa edo fardel handiak erabiltzen zituela esaldi honek adierazten digu.

nora due ba, iton baulegaz
iton baule baiño andidxaue dan boltsiegaz ikusi dot
iton baule atarako dot Benidorrerako erropak sartzieko

ITSUATZEKUE

Beti atzean dabilena.

bestelako itsuatzekue zauz or, dxun adi ortik
amen dator itsuatzekue, eztost itxitzen baketan be
enator zugaz, itsuatzekue naiela diñozu te
itsuatzekue lez ibilltxen dxatzo amari, atzien atzien

Gaztelerazko lazarillo edo horren antzeko zerbait definitzeko erabili izan dela dirudi. Baina lazarillo, itsuaurrekoa izango da eta ez alderantzizkoa.

ITSUATZIEN

Atzean-atzean ibili.

beti itsuatzien, bost urteko imielez ibilltxen, kantsata nako
ez ibilli itsuatzien enpanadiori
itsuatzien ibilltxen badxatzu txakurre, ostikada bat emon

ITSUKI

Marrazo familiako arraina. Begiak txikiak -marra bi- izanik, konparazioan erabiltzen da, oso gutxi ikusten duten pensonei aplikatuz.

itsuki esaten tzoie gitxi ikusten dauelako
eztozuz topaten? Itsukidxek paiño gitxiau ikusten zu alabatxu
an ibill dxe, itsukidxen moduen gauzek topaten, da ezin topa

Hitz hau, hiztegietan datorren definizioa azaltzeko, kostako herrietatik edo euretariko batetik sortu dela esan dezakegu. Edo alderantziz gerta zitekeen itsuki izena arrain horri jartzea, begi txikiak dauzkalako.

ITSUMENDEDUN

Presaka eta presaka ibiltzea edo egitea gauza guztiak, edo ondo pentsatu gabe.

da itsumendidxen, gauze guztidxe benan itxitxe eskapa dun
itsumendidxen zabiltzezelako pasaten dxatzuz olako gauzek
itsumendikue zara alabatxi, ez zu ikusten aurrekue be

Hitz honen konposizioan itsua eta mendia hitzak agertzen dira. Baliteke, zentzua, itsua mendian ibiltzen den moduan ibiltzea izango dela. Baina itsumendua ere izan daiteke. Azkuek beste zentzu batez jaso du hitz hau.

ITXI BERTON

Sinisten ez den zerbait entzuten denean.

egualdi ona eingo dauela plaidxerako esan dau? Itxi berton! Eztau eingo ta
loteridzek urtengo doskule esan dau adibiñadoriek. Ori esan dau? Itxi berton!

ITXIDXE

Arduragabekoa.

zelako itxidxe zara ba, gauzek ein barik kalera dxun zara
ofiziñen iguala da, itxidxe, dana itxitxen dau ein barik
itxidxe ezateitxik galdu dau arek puestu on bat

ITXITASUNE

Arduragabetasun.

itxitasuneitxik lagunek pe eztauie gure kuadrillen
itxitasune da aren defetorik andidxena

ITXOSOPETEKUE

Elegante. Ederra. Berebizikoa. Neurtezina.

itxosopeteko kotxie erosi dau, lau milloikue
itxosopeteko erlojue erregala tso amañarrabakidxek
ikusi duzen terrenuek itxosopetekuek tiez txo
atzo dxan dun afaidxe itxosopetekue ezan da, kabiar da guzti

Hitz honek, neurria, kualitatea eta kantitatea adierazi, eta kalifikatzen ditu.

ITXOSOTIE

Arrainontziak itsasoratzea.

dauen egualdidxegaz be itxosotie eiñ dxauie
Dakarren on dizenien itxosote gitxi sartun zauien
gaurtik aurrera itxosote askorik eztauie eingo
itxosote ona eiñ dxauie, bost milloien arraiñe erun dauie ta

Hitz hau itsasoratzea hitzetik dator. Substantibo izatea gordetzen du.

Azkuek hitz honekin haitzetako belar bat deskribatzen du. Besterik ez dator.

ITXOSUE

Itsaso handia.

ez dxuen uger, itxosue dau te
ainbeste denporan on diez urten barik itxosuegaz
eztaitx dxungo banai Lagara, ara dxuteko itxosue dau te
atxetan on da, ta itxosuek atara dau ta itxo eiñ dxe

Nahiko da berba bakar hori, itsaso gogorra dagoela adierazteko.

ITXOTXORIDXEN KONTUE

Zenbat zaharrago, ederrago dagoela esateko.

baie ze guapue da ba, da ganera itxotxoridxen kontue dako orrek, zarrau ta ederrau
neuri be gustako lekidxast itxotxoridxen kontue okitxie, zarrau ta ederrau

ITXUGIÑE

Itogina. Konparazioan, gauzak berehala egitea edo esatea gustatzen zaiona.

bestelako latie emoten zauz, itxugiñori
ez ezan itxugiñe da trankill egon
zelako itxugiñe zara ba, ezin zu on apur baten
itxugiñe dator kamarara, euri asko eiñ dxauelez
ara ta oña dabill itxugiñe lez lotu barik

Hiztegietan gotera zentzuaz baino ez da jaso.

ITXURE BAKO MONUE

Pertsona itsusia, grazia gabekoa.

itxure bako monue da, da zer da arrue ba, batzo arek beran bururi
berori itxure bako monue, ezpadako zergusta! Bai, baie dirue dako
itxure bako monuek, diruegaz andobuek diez

IXE

Jaso.

majo ixe dau arek iñon diruek guzurrek esanda
aixerik eztauelez belak (toldo) ixe bi diez
diruek ixe! Ezta makala zelako diruek ixe txuzen
orrek diro danak ixeten badoitxuz, aberastu eingo da

Gaztelerazko izar aditza du oinarri hitz honek.

izar → iza → ixe.

IXENTA

Aipatu. Izenda izango da, baina zentzua beste bat izaten da.

danak ixenta txuz bera izan ezik
nora dxungo naitxen ixenta barik pa
eztau zetan ixenta, ixenta barik pe, badakigu zeu zarana ta
ni ez ixenta ezetarako be, eztot kure ezur eiñ dxe

Hitz hau izendatu ren laburpen bat da, txistukaria palatalizaturik.

IXENTAXIÑO / UE

Urtebetetzea urteurrena edo horrelako zerbait ospatzen deneko oparitxoa edo gomutagarria.

neure eguneko ixentaziñotxue bota dost korreotik
ixentaxiñue baiño ezta
aren ixentaxiñuek eskasak ezaten diez
amuman ixentaziñue dakozu amen

Ikusten denez ez du ixenta ren antz handirik, zentzua beste bide batelik baitoa. Gainera, hartu duen atzizkia ere beste bat da, -pen hartu beharrean -zino hartu du: izenda + zino → izendazino → izentazino → ixentaziño.

IXERTZA LAMATAN

Izerditan blai eginda.

nondik zatoz ixerdi lamatan ba?
Sollube idxeten, ixerdi lamatan, puzkadaka aillega gariez tontorrera

IXIXENA

Ezizena.

Bermion danak dakoie ixixena
eztakixu nongue dan a mutille, ixixena be eztaitx eta
ixixena ezpadakixu ezin dxu dxakin nongue dan

IXOTU

Atzera eragin. Izutu.

ime guztidxek ixotu txuz, ikaratute
erriko txakur eta kato guztidxek etor dxaskuz etze aurrera, da ezegaz be ezin ixotu
an ibil gairez ixotuten, da azkanien be dxun diez

IZARAK ESKEITXE

Umeen aurrean solas berdeak egitean esaten da. Izarak eskegita umeak dira.

eztakixu auri enbrie atrapa dauiena apaidxue eitxen? Ixi, izarak eskeitxe dauz te
zer diño, izarak eskeitxe?, onek zeuk baiño geidxau daki txe
izarak eskeitxe dauzenien ezta ibilli biar olako konbertsasinuetan

IZTERPARIENTIE

Urruneko senideak edo ahaideak. Ia beti zentzu peioratiboan esaten da.

gaurko alkatie neure aman izterpariende da
ez tuz ezetuten baie geure aitxen izterparientiek tiez

IZTERRA

Izterra.

Bermeon ez da espezifikatzen zein alderdi den iztarra, eta berdin da goia, erdia zein behea, hau da, zangoa, oina edo izterra bera. Zentzu berean erabilizen den beste hitz bat: kadera.

izterreko miñe dakot
izterra apurtu dau (zangoa)
izter azpidxen kristelak kortada bat eiñ dxost

IZTERRAK EBAI

Lotsak eman.

majo ebai dotzatez nik areri izterrak, beste baten eztau esango
famie krielien imiñi tzonien, izterrak ebai biar ezan dotzoz
orreri andriri izterrak ebai gero, artazidxe dabil zorrotz eta

IZURRI / DXE

Apeta. Guraria.

langostinuek dxateko izurrie dakot. Zer ba, agarrakerak dakozuz ela?
arek andtriek, estaduen dauela, abillanan izurrie okitxen ezan dau
ni enau enbarazada, baie angulen izurre andidxe dakot
alabatxi, zapatak erosteko izurrie dakozu ela?
izurridxe edo ez izurridxe, nik zapatak erosko tez

Beraz, izurri hitzak, beste zentzu bat hartu du.

IÑETAZIDXE

Txingorra.

menditxik bueltan iñetazidxek atrapa dosku
hotzan hotzagaz euridxe ein biharrien iñetazidxe ein dxau
iñetazidxegaz ezin dxiez edurren muñekuek egin

IÑOR EZ DABILL IÑOR BILLE

Inor ez dabilela inoren arduraz.

zu santainfanzian bizi zara, iñor eztabill iñor bille alabatxu
zemat bidar esan dost nire amak iñor eztabillela iñoren bille
ai txetxo! Amen bakoitxak eitxen dau al dauena, iñor eztabill iñoren bille

IÑOR EZ LEZ / LAKUE

Guztien gainetik dagoela adierazteko egiten dena.

iñor ez lako kotxie erosi tzu, konduziten dxakin barik pe ibilltxekue
bera dozu iñor ez lakue, da gauzek pe iñor ez lakuek erosi biar
iñor ez lez dxun da dxantzitxe be

IÑUSENTIEN PAPELA

Tontoarena egiten ari.

bestelako iñuzentien papela eitxen nau berton
iñuzentien papela eitxen dau, baie iñok baiño geidxau daki

IÑUZENTE

Ergela. Tontoa. Harroa.

zer dakar berorrek iñuzentiek ba, danak insulteten
dxun zaitxez ortik iñuzente txarridxori
iñuzentiaue da, danak tauzela berari begire pentsaten dau
baie ze tontue da ba, iñuzente utse da

Gaztelerazko inocente hitza, zentzua aldatuta erabiltzen da.

IÑUZENTEKEIDXEK

Tontakeriak. Zirtzileriak.

iñuzentekeidxek esaten zabiltzez, eztakozu errozoirik
ez takotela errozoirik eta iñuzentekeidxek esaten nabillela diñozu, ba laster ikusiko zu, errozoie badakot edo ez
iñuzentekei gitxiau eiñ da artun zentzune, edadie be bakozu
iñuzentekeidxekaz bete dau etzie, eztau koadro bat non sartun

IÑUZENTETUTE

Lelotuta.

iñuzentetute dau beragaz mutillegaz
ez takitx non dakoten burue be, iñuzentetute nau
ez da eztrañue iiñuzentetute otie, emon tzun disgustuegaz

IÑUZENTIEN ARPEIDXE

Tontoaren aurpegia.

niri ez esan orrek gauzek iñuzentien arpidxegaz, bakitx zer gure dozun esan da
ez imiñi iñuzentien arpidxe, danak dakidxe zeuk esan zune ta
beran iñuzentien arpidxegaz aitxe ta ama be engaiñe eitxen txuz